یورگیم قانلا دولوپ
شنبه, ۶ تیر ۱۳۹۴، ۱۲:۲۳ ق.ظ
یورگیم قانلا دولوپ بس کی سنی یاد ائدیرم
کار اولوپ گوش فلک، عشقیوی فریاد ائدیرم
ییخمیسان بو یورگی آیریلیغین لا گوزلیم
سنی من یاده سالیپ قلبیمی آباد ائدیرم
هر شی ییم گئتدی الیمدن قورو بیر جان قالدی
اونودا باغلامیشام زولفووه بر باد ائدیرم
هر گئجه من خیالین لا دانیشیپ آغلاشیرام
یورگی آلداتیرام بوش خیالا شاد ائدیرم
سنی سئومک له بوتون عالمه مشهور اولدوم
بو شیرین سئومگه من منصوری فرهاد ائدیرم
