شعر دل
اشعارمنصورمصطفائی فر
سروده های منصور مصطفائی فر
طبقه بندی موضوعی
-
اشعار فارسی
(۴۹) -
اشعار ترکی
(۱۵)
کلمات کلیدی
بایگانی
- تیر ۱۳۹۸ (۱)
- دی ۱۳۹۷ (۱)
- آذر ۱۳۹۷ (۲)
- شهریور ۱۳۹۷ (۱)
- تیر ۱۳۹۷ (۱)
- ارديبهشت ۱۳۹۷ (۱)
- اسفند ۱۳۹۶ (۲)
- اسفند ۱۳۹۴ (۱)
- تیر ۱۳۹۴ (۱۸)
- خرداد ۱۳۹۴ (۳۸)
آخرین مطالب
- ۹۸/۰۴/۰۳خواهم فراموشت کنم
- ۹۷/۰۹/۱۸دکلمه شعر گلمدین
- ۹۷/۰۹/۱۳گلمدین
- ۹۷/۰۴/۲۸دکلمه شعر بو گئجه سون گئجه دیر
- ۹۷/۰۲/۳۱اوجا بیر آه چکیرم
- ۹۶/۱۲/۲۹سال نو مبارک
- ۹۶/۱۲/۰۹نقابی از ریا
- ۹۴/۱۲/۱۹گزیم
پربیننده ترین مطالب
- ۹۴/۰۴/۰۶رفتی تو ولی هجر تو در باور ما نیست
- ۹۴/۰۳/۲۵برای زاد روزم
- ۹۴/۰۳/۱۸درد عشق
- ۹۴/۰۴/۰۳کتاب لحظه های بی کسی
- ۹۴/۰۴/۰۴به زیر نم نم باران
- ۹۷/۰۹/۱۳گلمدین
- ۹۷/۰۲/۳۱اوجا بیر آه چکیرم
- ۹۴/۰۳/۳۱دل چو تنگت می شود
- ۹۷/۰۴/۲۸دکلمه شعر بو گئجه سون گئجه دیر
- ۹۴/۰۳/۳۱شبیه تو
پیوندها
گوز یاشیم آرخانجا آخدی اُلدی دریا گلمدین
سویله دیم سن سیز منه زینداندی دونیا گلمدین
شعله ی عشقینده من پروانه اُلدوم بیر گئجه
یاندی کونلوم بس نیه بهر تماشا گلمدین؟
یادیمه دوشدو بیر آن سنله او گئچمیش گونلریم
دولدی سن سیز باغریما حسرتلر آمّا گلمدین
ایستدیم سندن یازام گوردوم قلمده آغلادی
آغلادیخ منله قلم یازدیم سونوندا گلمدین
من اولورسم قبریده کونلوم آنار هر دم سنی
گوزلریم هر گون سنین قالدی یولوندا گلمدین
سون نفسده منصورون واردیر سنه بیر جومله سی
چوخ سنی یاد ایله دیم آمّا نه فایدا گلمدین
اوجا بیر آه چکیرم تا فلکین باغری یانا
چالدی هر بیر شیی می قلبیمی دولدوردو قانا
او قدر گوزله میشم یار یولونی من گئجه لر
گئتدی الدن قراریم بو یورگیم گلدی جانا
ایچیرم هر گئجه من بی وفا یار ساغلیغینا
بلکه بو پیس یوخودان بیر گئجه کونلوم اویانا
یوخدو از بس کی منیم دردیمه درمان یارب
چالیرام منی باشیمی بیر بویانا بیر اویانا
سن یالانلار لا منی سئومگه پشمان ائتدین
اولماز ایمکانی کی منصور داها عشقه اینانا
ایستیرم سن له خیالیمدا کی هر یانی گزیم
هم خویی تبریزی هم بیرده کی تهرانی گزیم
او قارا زولفووه ده باغلا منیم کونلومی سن
دوشوم آرخانجا جانیم کل بو دونیانی گزیم
سئویرم عشقیوی فریاد ائلی یم هر کسه من
بیرده مجنونون اولوپ چوللری صحرانی گزیم
کاش اولوم بیر دنه بوسه او نگارین لبی نه
اوتوروم بال دوداغیندا لب خندانی گزیم
من کی کنعان دا ایتیردیم او گوزل یوسیفی می
ایندی اونسوز نئجه من کلبه ی احزانی گزیم
یوخوما بیر گئجه سن کاش کی مهمان اولاسان
توتا منصور الیوی سویلی یه دونیانی گزیم
چکیلمیر حسرتین آرتیخ تو ای درد مرا درمان
یتیش فریادیمه بیر گون به سر آید غم هجران
آخی سن سیز گئچن هر گون برایم همچو سالی شد
داها بو آیریلیقبسدی رسیده بر لبم این جان
سنی من بیر داها شاید نبینم در کنار خود
آما یادین بو قلبیمده همیشه می کند طوفان
یاغیر یاغمور بو گوزلردن تو را چون یاد خود آرم
یاخیر بو کونلومی عشقین نموده قلب من ویران
بو دونیانین صفاسی یوخ چو در پیشم نباشی تو
کی سن سیز اولدو بو دونیا برایم مثل یک زندان
بیری بیر گون سنه سویلر خبرهای خوشی دارم
دویار سان اُلدی منصور دا به راه عشق تو قربان
یورگیم قانلا دولوپ بس کی سنی یاد ائدیرم
کار اولوپ گوش فلک، عشقیوی فریاد ائدیرم
ییخمیسان بو یورگی آیریلیغین لا گوزلیم
سنی من یاده سالیپ قلبیمی آباد ائدیرم
هر شی ییم گئتدی الیمدن قورو بیر جان قالدی
اونودا باغلامیشام زولفووه بر باد ائدیرم
هر گئجه من خیالین لا دانیشیپ آغلاشیرام
یورگی آلداتیرام بوش خیالا شاد ائدیرم
سنی سئومک له بوتون عالمه مشهور اولدوم
بو شیرین سئومگه من منصوری فرهاد ائدیرم
بیر بولود وار بو گوزومده سنی گورسم یاغاجاخ
گوز یاشیم یاغمور اولوپ سئل کیمی گوزدن آخاجاخ
صاباحا چاتمایاجاخ سن سیز اولان بو گئجه لر
سنی اولسم گوزلیم قبریده کونلوم آناجاخ
بیر گونشدین کی چیخیب مشرق جاندان آمّا
بیلمدیم کی گونشیم تئز گئده جک تئز باتاجاخ
هارا گئتسن ده بو گوز یاشلاری آرخانجا گلیر
هر قدم قویسان ایزی بو یورگیمده قالاجاخ
یریوی توتمایاجاخ کیمسه سنین قلبیمده
ایتیریپ عشقینی منصور آما بیر گون تاپاجاخ