بو گئجه سون گئجه دیر

ائله یالنیزلامیشام اولسم اگر آغلایان اولماز

غم یوکی ییخسا منی بیل کی توتوپ ساخلایان اولماز

بو گئجه سون گئجه دیر قوی باشیوی دیزلریم اوسته

بو دلی کونلومو سندن سورا هئچ آنلایان اولماز

گوز یاشیملا یاشاییپ یاشلانیرام بیر نئچه ییلدیر

سن کی یوخسان قانایان بو یارامی باغلایان اولماز

کیپریگین سن اوخ ائله وور او کامان قاشلا یورکدن

بیر باخیشلا یورگه سن کیمی اوخ ساپلایان اولماز

تقدیریم بویله یازیلمیش کی یانام حسرت اودوندا

منصورون کونلونی سن تک یاندیریپ داغلایان اولماز

بیر باخیش

بیر باخیشلا منی سن زار و پریشان ائله دین

عاشیقین اولدوم آما قلبیمی ویران ائله دین

عالمه اولموشودوم شهره سنی سئومگیله

بی وفالیخلا بوتون دونیانی حیران ائله دین

جان بهاسینه سنین عشقیوی آلمیشدیم آما

بیلمدین قدریمی سن عشقی چوخ ارزان ائله دین

عمرومی دونیامی عشقین یولونا گویموشدوم

گئتمه یین له نه گوزل هر شی یی جبران ائله دین

اویله بیر درس محبت له وفا وئردین کی

((منصور))ی عاشیق اولوب سئومگه پشمان ائله دین

سر کویین

سنی عمروم بویی من سئومیشدیم جان و تنیم

نئجه سندن سورا بیر آیری کسی من بگنیم

سر کویینده گدا اولموشام ای سئوگلی یار

کی سنین کویین اولوبدور منه بیرجه وطنیم

((بولبول غمزده یم باغ و بهاریم سن سن

دهن و قد و رخون ، غنچه و سرو و سمنیم))

هر سوزون مرهم اولوبدور یارالی قلبیمه چون

سن کیمی خوش دانیشان گورمدیم ای گول دهنیم

یورگین منله دئیلدی نه ده فیکرین گوزلیم

اولما میشتین منی له اولمادین آخر دا منیم

گورمه دن گول یوزو وی اولمویجکدیر ((منصور))

اوله رم چونکی سنین آغوشون اولسا کفنیم

عشقین ناغیلی

سن سیز گئجه لر آغلییاراخ یاتمامیشام من

عشقیوی اینان دونیایادا ساتمامیشام من

کاش آنلییاسان سن حالیمی آزداهی اولسا

دیل خوش لوغا گئتدین گئدلی چاتمامیشام من

آتدین منی سن اوز یورگیندن آما بیل کی

یورگون یورگیمدن سنی هیچ آتمامیشام من

تک عشقیمیدین دونیادا،سندن سورا یاریم

عشقین ناغیلین کیمسیه آنلاتمامیشام من

سن هر نه دئدین ((منصورا))هیچ اینجیمدیم من

نیفرتله سنین عشقیوی چون قاتمامیشام من

بی تو شبها گریه کرده ام و نخوابیده ام

باور کن عشق تو را به دنیا هم نفروخته ام

کاش حتی کمی هم شده حال مرا بفهمی

از وقتی که رفته ای به دلخوشی نرسیده ام

مرا از قلبت بیرون کردی اما بدان

از قلب خسته ام تو را هیچگاه بیرون نیافکنده ام

تنها عشق من در دنیا بودی بعد از تو یارم

قصه عشق را برای کسی نگفته ام

تو هر چه به منصور گفتی از تو نرنجیدم

چون عشق تو را با نفرت نیامیخته ام

این شعر را دوست و استاد گرانمایه ام علی مهدی زاد به فارسی برگردانده اند.

هر شب که بی تو خفتم اشکم امان نمی داد
عشق ترا که منصور بر دو جهان نمی داد
ای کاش تا بفهمی حال مرا تو ای دوست
رفتی و بخت بر من رو خوش نشان نمیداد

عشق اویونو

عشقینله گولوم سن منی سینه ن ده یاراتدین

هیجران اوخونی قلبیمه ووردوخجا قاناتدین

بیر جوت قارا گوز قلبیمی یاندیردی دا یاخدی

سن اول قارا گوزلرکیمی دونیامی قاراتدین

سون سوزا قادار عاشیقینم سویله مدین سن؟

گئتدین منی یانلیزلیغیلا بیر ده قوجاتدین

سن حکم ائله دین آیریلیغا عشق اویونوندا

قالمیشدی الینده یورکیم کی یئره آتدین

((منصور))سنیله گول کیمی تئز آچدی دا سولدی

هیجران اودونا سن بو گولی غمده ساراتدین

معنی فارسی شعر اثراستاد ارجمندم علی مهدی زاد

با عشق مرا بیافریدی گل نازم
لیکن زغم هجر تو در سوز و گدازم
با چشم سیاهت تو مرا خوش بفریبی
اما که چه حاصل چو همه چیز ببازم
تا لحظه آخر سخن عشق بگفتی
لیکن به غم رفتن تو سوزم و سازم
در بازی عشقت به فراق حکم نمودی
گویی که به تنگ آمده ای از دل بازم
منصور چو گل شد زغم بلبل خود زار
از آتش هجرت به عدم یکه بتازم